بالدموع .. ميمي جمال تروي قصة حبها لزوجها الراحل حسن مصطفى
01:46 م - الثلاثاء 1 يونيو 2021
رشا عادل
حلت الفنانة ميمي جمال، مساء أمس الأثنين ضيفة برنامج “ كلمة أخيرة” الذي يقدمه الإعلامية لميس الحديد، عبر شاشة “ON”.
ربما يعجبك
وروت ميمي، خلال لقائها قصة الحب التي جمعتها بزوجها الراحل الفنان حسن مصطفى، قائلة :” كنت أنا وحسن زملاء مع بعض في المسرح، وكان عنده مشاكل كتير مع زوجته، وكان الدور اللي بقدمه في المسرحية مش عجبني ومتضايقة منه، ولقيت حسن جه وبيقولي أنا كمان مش عجبني حاجات كتير في حياتي بس الشغل ملهوش دعوة بالمشاكل دي”.
وأضافت :” بدأت الصداقة بينا منذ ذلك اليوم وبدأنا نشتكي لبعض، وبعد كده بدأ الكلام يطلع علينا لحد لما جابنا سيد بدير في المسرح وقالنا ايه الكلام اللي طالع عليكوا، هو فيه حاجة بينكم، فرديت عليه وقولتلو لا إحنا أصدقاء فقط”.
وتابعت :” بعد كده جه حسن وقالي أنا طلقت من 3 شهور، ولو طلبت منك تتجوزيني توافقي قلتله إيه المفاجأة دي”.
وأردفت :” ماما كانت رافضة حسن عشان راجل كبير في السن وعنده بنت وكمان الوسط مش كويس وكنت محتاجه ضهر، فكلمته وقولتلو أنا موافقة اتجوزك، وبعد فترة اتجوزنا”.
تابع موقع المؤشر علي تطبيق نبض
